آذربایجان تورکجه سی دئییملر سؤزلوگو کیتابینا بیر باخیش

سون زامانلار آنکارادا  ( آذربایجان تورکجه سینده آذربایجان تورکجه سی دئییملر سؤزلوگو) کیتابی حورمتلی آراشدیرماجی سیف الدین آلتایلی طرفینده ن اون ایلد ه ن چوخ امک صرف ائتدیکد ه ن سونرا  گون ایشیغینا چیخمیشدیر. بو کیتاب بیزیم دئدیگیمیز ایصطیلاحلار توپلوسودور و ایچینده  27000 ده ن چوخ دئییم وار. آلتایلی کیتابین اؤن سؤزؤنده بئله یازیر:

((دیل تاریخی اینسانلیک تاریخی ایله بیرلیکده باشلامیشدیر. تورک میللتی بشریتین ان اسکی میلتلرینده ن بیری اولدوغوندان دولایی دانیشدیغیمیز تورکجه ده دیل تاریخینین ان باشیندان بری ایستیفاده اولونان ان اؤنملی  دیللرده ن بیری دیر.  دیلیمیزله ایلگیلی علمی چالیشمالارین چاغداش آنلامدا 11 اینجی یوز ایلده کاشغرلی ماحمود لا باشلادیغی بیلینمکته دیر. آنجاق بو چالیشمالارین و تارتیشمالارین یوغونلوق قازاندیغی زامان 19 اینجی یوز ایلین ایکینجی یاریسیندان باشلانماسینی دییه بیلیریک. بو زامانلاردا باتی دا اوخویوب اؤلکه له رینه دؤنن آیدینلارین گیردیکلری باتی ذهنیتی دیلده ده اؤزونو گؤسترمیشدیر. ایسلام دینی نی قبول ائتدیکده ن سونرا اؤزه للیکله 10- 11 اینجی عصیرلرده عرب و فارس کولتورلری ایله یاخین تماس قوران دیلیمیز اوزونه مخصوص بیر  کیملیک قورموش و  بونو دا باشقا خالقلارا دا قبول ائتدیریب اؤز مالی ائتمیشدیر. بو کیملیگین قورولماسیندا عوثمانلی دئولتی نین قدرتلی ایمپراتورلوک حاکیمیتی باش رول اوینامیشدیر. .......  1985 ایلینده ن باشلایاراق دواملی و هر گون ان آز 6 ساات چالیشیب 1994 ایلینده ایکی جیلیدلیک آذربایجان تورکجه سی سؤزلوگو نو حاضیر لایاراق نشر ائتمه یه باشلادیم.  آنجاق عینی سرعتده چالیشمالاریمی دوام ائتدیم. آذربایجان تورکجه سی آنسیکلوپدی سی اوستونده 22 ایلدیر چالیشیرام و یاخین زاماندا  دا بیتیره جه گه م. 1988 ایلیند ه ن بری آذربایجان جمهوریتی ایله چوخ یاخین تماس دایام. 1974 ایلینده ن بری ده جنوبلا ایرتیباط دایام. هر ایکی طرفده کی قایناقلاری آختاردیم و تعقیب ائتدیم. 1985 ایلیند ه ن بری هر ایکی طرفین اینسانلاریندان و اوز شهریم اوغوز یوردو ایغدیر شهرینده ییغدیغیم سوزلری و دئییملری بیر یئره  ییغدیم.  بو گونه قد ه 27 مین دئییم ییغمیشام. هر دئییمین اؤنونده تورکیه تورکجه سینده  کی معناسینی وئردیم آنجاق هامیسینی وئره بیلمه دیم  چونکو تورکیه تورکجه سینده کی دئییم لر ی قاپسییان اثرلرده کی رقم منیم اثریمده کی رقمین یاریسی دا اولمادی. .....))

سیف الدین آلتایلی نین کیتابینین باشقا اون یازی سینی آذربایجان ادبیاتینین تانینمیش سیماسی پروفسور دکتر کامیل ولی نریمان اوغلو طرفیند ه ن  یازیلمیشدیر. سون اؤن سؤز یازی نی ایسه تانینمیش آذربایجان یازار و قزئته چی علی شامیل بی طرفیند ه ن یازیلمیشدیر. علی شامیل بو بو یازیدا کیتابین اؤنمی نی وورغو لامیش و کیتابین اهمیتینی قئید ائتمیشدیر. کیتاب آذربایجان لاتین آلفابه سی ایله ترتیب ائدیلمیش و جمعی   590 صحیفه دیر.

قئید ائتمک لازیمدیر کی سیف الدین آلتایلی 1950 اینجی ایلده تورکیه نین ایغدیر شهرینده آنادان اولموشدور.  آکادمیک تحصیلاتینی 1980 اینجی ایلده  ایستانبول اونیورسیته سی نین  تورک دیل ادبیاتینی  بیتیرمیش و 1985 اینجی ایلده ن بری تورکیه رادیو تلویزیونوندا آذربایجان رادیوسونون مودورو اولاراق چالیشیر . اونون آدرسی بودور:

[e-mail]

بومساله ایله  ماراقلانان دوستلاردان خواهیش اولونور یوخاریداکی آدرسله ایرتیباط قورسونلار.